02/12/15

Nairobi, esertzitatzione anti-terrorismu: unu mortu e binti fertos

de Lisandru Beccu

Deretos Oduwo Noah Akala, Url imàgine

Calicunu diat àere dèvidu avisare, ma nemos l'at fatu. Sas responsabilidades e sas neghes si nch'iscudent dae un'ala a s'àtera intre s'Universidade de Strathmore e sa politzia keniana. Pro seguru no at a èssere custu a consolare sa famìlia de s'impiegada de 33 annos, morta. Fiat in chirca de si sarvare e si nch'est ghetada dae sa ventana de su de tres pranos. Che a issa, fintzas sos àteros ant fatu sa matessi cosa, imbolende·si·nche a giosso.
Fiat un'esertzitatzione anti-terrorismu, ma nemos s'est ammentadu de avisare sos istudiantes e sos impiegados. Cando sas iscuadras de sos militares sunt intradas in atzione in s'ateneu, cun fusiles e pistolas, nemos at cumpresu prus nudda. A chie fuiat a un'ala e a chie a s'àtera. A ùrtimu, s'operatzione si nch'est acabbada cun unu mortu e cun binti istudiantes fertos.
E fiat petzi un'esertzitatzione.