07/12/15

Sa Frantza pòmpiat a dereta, a sa de Le Pen. Ma metade de is tzitadinos no est andada a votare

de Màuru Piredda

Deretos lìberos. Url imàgine

«Su Fronte natzionale bolet pigare su poderiu. In is regiones domìniga chi benit e in totu sa Frantza in is presidentziales e is legislativas de su 2017». Est eufòrica Marine Le Pen a pustis de àere registradu sa mègius resèssida de su partidu de dereta estrema (27,7% cumplessivu) chi unu tempus fiat ghiadu dae su babbu. Sa frama tricolore transalpina at bìnchidu in ses regiones crompende·nche a prus de su 40% in su Nord Calais (chi una bia fiat unu chirru ruju) e in sud est a làcana cun s'Itàlia. Galu est chitzo pro cumprèndere si fintzas custa bia sotzialistas (23,12%) e dereta sarkoziana (26,65%) ant a desìstere, in ue non sunt arribados segundos, pro firmare s'avantzada de Le Pen. Avantzada chi no est petzi una reatzione a is atacos terrorìsticos. Sunt difatis meda is frantzesos chi non sustenent s'operadu de su guvernu sotzialista. S'astensionismu - àteru datu de importu - nch'est cròmpidu a su 49,5%.