03/01/17

Lughe, contadores noos dae ocannu

de Lisandru Beccu


Enel Distribuzione at annuntziadu chi dae custu mese at a cumintzare a installare sos contadores noos. Sos contadores 2.0 ant a sostituire 18 milliones de contadores betzos chi sunt in atividade pagu prus o mancu dae su 2001. Sos àteros 13 milliones s'azienda los at a mudare intro de su 2031.

Sos aparèchios ant a permìtere unu controllu reale subra de sos consumos e subra de s'impreu efetivu de sa currente. Su mecanismu, difatis, s'agiornat cada 15 minutos e, tràmite un'ischermu, permitit de connòschere sos detàllios de su consumu e su totale de sa bulleta in antis chi nos arribet s'avisu a domo.
B'at noas fintzas pro chie tenet unu rèdditu bassu. Dae sa prima die de ocannu sos consumadores ant a pòdere usufruire de una ridutzione de sa bulleta de su 30%. Su lìmite Isee pro pòdere otènnere s'agiudu est de 8.107,5 €.