05/01/17

Turchia 2016: 358 mortos, 20 atentados, dimissione peruna

de Maurìtziu Sale

Sos Deretos fotogràficos de totu su servìtziu sunt BIA News Desk

In s’ìnteri chi 358 pessones fiant codiende·nche ànima e carena in sos 20 grandu atentados de su 2016 e chi totu sos fertos non b’at àpidu mancu manera pro los contare, sos funtzionàrios de Istadu turcos si nche l’ant colada decrarende semper sas matessi mèmulas: «Un’atentadu orrorosu e vile», «Nois lu cundennamus», «Sos assàchios dinamitardos e armados movent ca nois semus in gherra contra a su terrorismu», «Sa luta nostra contra a su terrore at a sighire semper cun sa matessi rechinta». Nemos chi apat fintzas pensadu ebbia a si dimìtere o a atziones cuncretas e de vàllia.

Nudda. Petzi retòrica. Paràulas giai intesas. Faeddos chi nch’ant pèrdidu in caminu fintzas su sonu issoro, in prus chi non su sentidu. Est su chi si leghet peri sas pàginas de Bianet, unu giornale in lìnia, non guvernativu.  Un’òrganu de imprenta turcu indipendente. Su bonu de sos atentados – si leghet  in su situ -  non tenet galu paternidade iscumproada, nessi no in atos giuditziàrios ufitziales. Inoghe in suta lassamus faeddare fotografias, datas e datos issoro chi  - mancari non siant  in lìnia cun sos de s’informatzione otzidentale - non tenimus resone pro non los cunsiderare verdaderos e nos dant contos giustos de su chi giughimus in limbas:


                                                 12 de ghennàrgiu - Istanbul - 12 mortos



                                                17 de freàrgiu – Ankara – 29 mortos



                                                 18 de freàrgiu – Diyarbakır – 7 mortos 



                                                 13 de martzu – Ankara – 37 mortos



                                                 19 de martzu – Istambul – 5 mortos



                                                    31 de martzu – Diyarbakir – 7 mortos



                                                     27 de abrile – Bursa – 13 fertos



                                                    1^ die de maju – Antep – 2 mortos



                                                     12 de maju – Diyarbakir – 15 mortos



                                                        7 de làmpadas – Istambul – 11 mortos



                                                        8 de làmpadas – Mardin – 4 mortos



                                                        28 de làmpadas – Istambul – 45 mortos



                                                        20 de austu – Antep – 57 mortos



                                                        6 de santugaine – Istambul – 10 fertos



                                                        9 de santugaine – Hakkari – 18 mortos



                                                       4 de santandria – Diyarbakir – 9 mortos



                                                      10 de nadale – Istambul – 46 mortos



                                                       17 de nadale – Kayseri – 14 mortos



                                                        19 de nadale – Ankara – 1 mortu



                                                        31 de nadale – Istambul – 39 mortos


Deretos fotogràficos BIA News Desk